விசிக சார்பில் காமராசர் & தொல்காப்பியருக்கு வீரவணக்கம்
திருப்பூர் மாவட்டம் மடத்துக்குளத்தில் விடுதலைச் சிறுத்தைகள் கட்சி தலைவர், சிதம்பரம் நாடாளுமன்ற உறுப்பினர், முனைவர் தொல். திருமாவளவன் அவர்களின் ஆணைக்கிணங்க பெருந்தலைவர் காமராசர் அவர்களின் பிறந்தநாள் கல்வி வளர்ச்சி நாளாக கொண்டாடப்பட்டது. தியாகத் தந்தை அய்யா தொல்காப்பியன் அவர்களின் நினைவு தினம் அனுசரிக்கப்பட்டு அவரின் தியாகத்தை பற்றி நினைவு கூறும் வகையில் வீரவணக்கம் செலுத்தப்பட்டது. பெருந்தலைவர் காமராசர், தியாகத் தந்தை தொல்காப்பியன் ஆகியோரின் படங்கள் வைக்கப்பட்டு மலர்களால் அலங்கரிக்கப்பட்டு மலர் தூவி மரியாதை செய்யப்பட்டது. விடுதலைச் சிறுத்தைகள் கட்சி மடத்துக்குளம் ஒன்றிய செயலாளர் சிட்டிபாபு தலைமையில், திருப்பூர் தெற்கு மாவட்டச் செயலாளர் த. சதீஷ்குமார், அரசு போக்குவரத்து கழக (எல் எல் எப்) மாநில துணைத் தலைவர் சிடிசி சத்தியமூர்த்தி, மடத்துக்குளம் சட்டமன்ற தொகுதி செயலாளர் பொன் ஈஸ்வரன், மடத்துக்குளம் பேரூர் முகாம் செயலாளர் சீட்கவர் சேகர், கடத்தூர் புதூர் முகாம் துணை செயலாளர் பிரபு, உடுமலை இப்ராஹிம் அலி, அருண்குமார், தங்கவேல், மகுடீஸ்வரன், உள்ளிட்ட ஏராளமான தோழர்கள் கலந்து கொண்டனர்.
