இருபேருந்து ஓட்டுநர்கள் இடையே வாக்குவாதம்
திருப்பூர் மத்திய பேருந்து நிலையத்தில் இருந்து ஈரோடு செல்லும் அரசு பேருந்து வழி விடாமல் பழனி செல்லும் தனியார் பேருந்து ஊர்ந்து சென்றதாகவும் தொடர்ந்து பயணிகளை ஏற்றிக்கொண்டு வழிவிடாமல் தனியார் பேருந்து சென்றதால் அரசு பேருந்து தனியார் பேருந்தை முந்த முயன்ற போது தனியார் பேருந்தின் பக்கவாட்டில் உரசியது இதன் காரணமாக தனியார் பேருந்து மற்றும் அரசு பேருந்து ஓட்டுநர்கள் நடத்துனர்களிடையே வாக்குவாதம் எழுந்தது. மேலும் இரண்டு பேருந்துகளும் பேருந்து நிலையத்தின் வாயில் பகுதியில் நின்றதால் மற்ற பேருந்துகள் வெளியே செல்ல முடியாத நிலை ஏற்பட்டது இதனைத் தொடர்ந்து பேருந்து நிலையத்தில் இருந்த நேர கண்காணிப்பாளர்கள் இரண்டு பேருந்து நடத்துனர்களிடமும் பேசி பேருந்து எடுக்க வைத்தனர் இந்த சம்பவத்தால் சுமார் 20 நிமிடம் பேருந்து நிலையத்தில் பேருந்துகள் வெளியே செல்ல முடியாமல் ஸ்தம்பித்தது. அரசு பேருந்து மற்றும் தனியார் பேருந்து ஓட்டுனர்களிடையே தொடர்ந்து நேர பிரச்சனை மற்றும் வழி விடாமல் செல்வது தொடர்பாக தகராறு ஏற்பட்டு பயணிகள் பாதிக்கப்படும் சம்பவம் தொடர்ந்து அரங்கேறி வரும் நிலையில் இதனை கண்காணித்து போக்குவரத்து துறை சார்பில் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
