ஸ்ரீரங்கம் |

திருச்சியில் விஜய் ரசிகர்கள் கொண்டாட்டம்

தமிழ்நாட்டில் பிரபல நடிகராக இருந்து வருபவர் நடிகர் விஜய். இவர் விஜய் மக்கள் இயக்கம் என்கிற பெயரில் தமிழ்நாடு முழுவதும் பல்வேறு நலத்திட்ட உதவிகள் வழங்குவது, கல்வி உதவி, ஏழை எளிய மாணவர்களுக்கான டியூசன் சென்டர் உள்ளிட்டவற்றை செய்து வருகிறார. இந்த நிலையில் கடந்த சில மாதங்களாகவே அவர் கட்சியின் முக்கிய நிர்வாகிகளுடன் அரசியல் கட்சியை தொடங்குவது குறித்து ஆலோசனை மேற்கொண்டு வந்தார். இந்த நிலையில் அது குறித்தான அறிவிப்பை நடிகர் விஜய் வெளியிட்டுள்ளார். அவர் வெளியிட்டுள்ள அறிவிப்பில் தமிழக வெற்றி கழகம் என்கிற பெயரில் அரசியல் கட்சி துவங்கப்பட்டு அது தேர்தல் ஆணையத்தில் பதிவு செய்ய இன்று விண்ணப்பிக்கப்பட்டுள்ளதாக தெரிவித்துள்ளார். அரசியல் கட்சி தொடங்கியுள்ளதாக நடிகர் விஜய் அறிவித்ததை தொடர்ந்து தமிழ்நாடு முழுவதும் அவருடைய ரசிகர்கள் உற்சாகமாக கொண்டாடி வருகின்றனர். அதன் ஒரு பகுதியாக திருச்சி சத்திரம் பேருந்து நிலையம் பகுதியில் அவருடைய ரசிகர்கள் பட்டாசு வெடித்தும் பொதுமக்களுக்கு இனிப்புகள் வழங்கியும் கொண்டாடினர்.

வீடியோஸ்


தமிழ் நாடு
'எங்கள் பூரணம் அம்மா' - அமைச்சர் அன்பில் மகேஷ் நெகிழ்ச்சி!
Jan 26, 2024, 09:01 IST/

'எங்கள் பூரணம் அம்மா' - அமைச்சர் அன்பில் மகேஷ் நெகிழ்ச்சி!

Jan 26, 2024, 09:01 IST
அரசுப் பள்ளி கட்டுவதற்காக தனது ரூ.7 கோடி மதிப்புள்ள நிலத்தை அரசுக்கு நன்கொடையாக கொடுத்த ஆயி பூரணம் அம்மாளுக்கு, சென்னையில் இன்று நடைபெற்ற குடியரசு தினவிழாவில் முதலமைச்சரின் சிறப்பு விருது வழங்கப்பட்டது. இதனை தொடர்ந்து அமைச்சர்கள் உதயநிதி ஸ்டாலின் மற்றும் அன்பில் மகேஷ் ஆகியோர் பூரணம் அம்மாளுடன் புகைப்படம் எடுத்துக் கொண்டனர். இது பற்றி எக்ஸ் தளத்தில் பதிவிட்டுள்ள அன்பில் மகேஷ், 'கல்வி எனும் அறத்தின் வழியே ஒன்றிணைந்தோம். கல்வி எனும் ஆயுதம் ஏந்தி செயலாற்றுவோம். எங்கள் பூரணம் அம்மா' என குறிப்பிட்டுள்ளார்.