கோவை: கஞ்சா விற்ற 3 பேர் கும்பல் கைது; 1 கிலோ பறிமுதல்
கோவை ராமநாதபுரம் போலீசார் நேற்று ரோந்து பணி சென்றனர். அப்போது மருதூர் சுப்பிரமணியபுரம் அருகே சந்தேகநிலை ஏற்படும் வகையில் 3 பேர் கும்பல் சுற்றி திரிந்தனர். அவர்களை போலீசார் பிடித்து விசாரித்தனர். அதில், அவர்கள் முன்னுக்கு பின் முரணான பதில் அளித்தனர். சோதனை செய்த போது அவர்கள் கஞ்சா விற்றது தெரியவந்தது. இதனையடுத்து போலீசார் கஞ்சா விற்பனையில் ஈடுபட்ட புலியகுளம் ராஜீவ் காந்தி நகரை சேர்ந்த கோபிநாத் (24), நாகர்கோவில் வடசேரியை சேர்ந்த குமரவேல் (34) மற்றும் கேரளா மலப்புரத்தை சேர்ந்த விக்னேஷ் (24) ஆகிய 3 பேரை கைது செய்தனர். அவர்களிடம் இருந்து 1 கிலோ கஞ்சா, ரூ. 3,200, ஆகியவற்றை பறிமுதல் செய்தனர்.
