கோவை: தாலிக்கு தங்கம் வழங்கும் விழா!
கோவை தமிழ்நாடு வேளாண்மை பல்கலைக்கழகத்தில் சமூக நலன் மற்றும் மகளிர் உரிமைத் துறை சார்பில் தாலிக்கு தங்கம் மற்றும் திருமண நிதியுதவி வழங்கும் விழா நேற்று நடைபெற்றது. இவ்விழாவில், 352 பயனாளிகளுக்கு ரூ. 3. 74 கோடி மதிப்பிலான தாலிக்கு தங்கம் மற்றும் திருமண நிதியுதவியை மின்சாரத் துறை அமைச்சர் வி. செந்தில்பாலாஜி வழங்கினார். இந்த விழாவில், மாவட்ட ஆட்சியர் பவன்குமார் கிரியப்பனவர், மக்களவை உறுப்பினர் கணபதி ராஜ்குமார், மேயர் கா. ரங்கநாயகி ராமச்சந்திரன், மாநகராட்சி ஆணையர் மா. சிவகுரு பிரபாகரன், துணை மேயர் வெற்றிசெல்வன், சமூக நல அலுவலர் அம்பிகா, தமிழ்நாடு தூய்மைப் பணியாளர் நலவாரிய துணை தலைவர் கனிமொழி, உதவி இயக்குநர் (ஊராட்சிகள்) கமலக்கண்ணன் உள்ளிட்ட பல முக்கிய பிரமுகர்கள் கலந்து கொண்டனர். பெண்கள் முன்னேற்றத்திற்கான தமிழக அரசின் பல்வேறு நலத்திட்டங்களுக்கு பயனாளிகள் நன்றி தெரிவித்தனர்.
