ராவ் மருத்துவமனையில் இரைப்பை குடல் துறை துவக்கம்

கோவையில் பெண்கள் மற்றும் குழந்தைகளுகான சிகிச்சையில் அனைத்து துறைகளிலும் முன்னணி வகிக்கும் ராவ் மருத்துவமனை தற்போது தனது சேவைகளை மேம்படுத்தும் வகையில் இரைப்பை குடல் துறையை தொடங்கியுள்ளது. புதிய இரைப்பை குடல் துறையை முனைவர் ராதாகிருஷ்ணன், ஆலோசகர் அறுவை சிகிச்சை இரைப்பை குடல், லாபரோஸ்கோபி மற்றும் மாற்று அறுவை சிகிச்சை நிபுணர், மற்றும் முனைவர் விகாஷ், ஆலோசகர்- அறுவை சிகிச்சை இரைப்பை குடல், லாபரோஸ்கோபி மற்றும் ஜிஐ ஓங்கோ-அறுவை சிகிச்சை நிபுணர் ஆகியோர் தலைமையில் நடத்த உள்ளனர். சமீபத்திய புள்ளிவிவரங்களின் படி,
இந்தியாவில் 5 பேரில் ஒருவர் கேஸ்ட்ரோ இண்டெஸ்டினல் குறைபாடுகளால் பாதிக்கப்படுகின்றனர். கடந்த ஆண்டு மட்டுமே 20% சத்தம் குடல் சினை (irritable Bowel Syndrome) அதிகரித்துள்ளது. மக்கள் தொகையில் 40% செரிமான குறைபாடுகளால் பாதிக்கப்படுகின்றனர். அதில் பெரும் பங்கு மருத்துவ உதவியை நாடி வருகின்றனர்.

இதுகுறித்து ராவ் மருத்துவமனையின் துணை இயக்குனர் மற்றும் கருத்தடை மற்றும் பெண்கள் லாப்ரோஸ்கோபி மூத்த ஆலோசகர் டாக்டர், தாமோதர் ராவ் கூறுகையில், ராவ் மருத்துவமனை, குறைந்த விலையில் தரமான சிகிச்சைகளை வழங்க, நவீன தொழில்நுட்பம் மற்றும் முன்னணி மருத்துவ நிபுணர்களின் நுட்பங்களை பயன்படுத்தி இந்த தேவை அதிகரித்து வரும் நேரத்தில், புதிய இரைப்பை குடல் துறை மூலம் இந்த தேவையை நிறைவேற்ற இலக்குக்கொண்டுள்ளது என்றார்.