காரில் கடத்தப்பட்ட புகையிலை பொருட்கள் பறிமுதல்
சேலம்-நாமக்கல் தேசிய நெடுஞ்சாலையில் மல்லூர் அம்மாபாளையம் ஏரிக்கரை பகுதியில் மல்லூர் போலீசார் வாகன சோதனையில் ஈடுபட்டனர். அந்த வழியாக வந்த காரை மறித்தனர். டிரைவர் காரை நிறுத்தாமல் வேகமாக ஓட்டிச் சென்றார். சிறிது தூரம் போலீசார் துரத்திச் சென்று காரை மடக்கி பிடித்தனர். காரை நிறுத்தி விட்டு டிரைவர் தப்பி் சென்றார். அப்போது போலீசார் காரை சோதனை செய்தபோது அதில் 25-க்கும் மேற்பட்ட மூட்டைகளில் புகையிலை பொருட்கள் இருந்தது தெரிய வந்தது. போலீசார் காருடன், புகையிலை பொருட்களைப் பறிமுதல் செய்தனர். இந்தச் சம்பவம் தொடர்பாக வழக்குப்பதிவு செய்து தப்பி சென்ற டிரைவரை போலீசார் தேடி வருகின்றனர். பறிமுதல் செய்யப்பட்ட குட்கா பொருட்கள் மதிப்பு ரூ. 2 லட்சத்து 9 ஆயிரம் இருக்கும் எனக் கூறப்படுகிறது.
