உத்தமசோழபுரம் விற்பனை கூடத்தில் கொப்பரை தேங்காய் விலை உயர்வு
சேலம் அருகே உத்தமசோழபுரத்தில் ஒழுங்குமுறை விற்பனை கூடத்தில் கொப்பரை தேங்காய் மறைமுக ஏலம் தேசிய வேளாண் மின்னணு சந்தை இணையதளம் வாயிலாக நடந்தது. இதில் 50-க்கும் மேற்பட்ட விவசாயிகளும், சேலம், நாமக்கல், ஈரோடு, திருப்பூர் உள்ளிட்ட பகுதிகளில் இருந்து வியாபாரிகளும் கலந்து கொண்டனர். கொப்பரை தேங்காய் கிலோ குறைந்தபட்சமாக ரூ. 79-க்கும், அதிகபட்சமாக ரூ. 130. 50 க்கும் விற்பனையானது. மொத்தம் சுமார் 9. 41 டன் அளவுள்ள 212 மூட்டை கொப்பரை தேங்காய் ரூ. 12 லட்சத்து 56 ஆயிரத்திற்கு ஏலம் போனதாக ஒழுங்குமுறை விற்பனை கூட கண்காணிப்பாளர் சுப்ரமணி தெரிவித்தார்.
