சேலத்தில் கஞ்சா விற்ற 3 பேர் கைது
சேலம் சன்னியாசிகுண்டு பகுதியில் கஞ்சா விற்பனை செய்யப்படுவதாக கிச்சிப்பாளையம் போலீசாருக்கு தகவல் கிடைத்தது. போலீஸ் சப்-இன்ஸ்பெக்டர் ராஜா தலைமையில் போலீசார் அங்கு விரைந்து சென்றனர். அங்கு கஞ்சா விற்ற பொன்னம்மாபேட்டையை சேர்ந்த இளங்கோ (வயது 24), தர்மன் (25) ஆகியோரை போலீசார் கைது செய்தனர். அவர்களிடம் இருந்து 4 கிலோ கஞ்சா பறிமுதல் செய்யப்பட்டது. இவர்கள் ஆந்திராவில் இருந்து கஞ்சா கடத்தி வந்து இங்கு விற்பனை செய்தது விசாரணையில் தெரியவந்தது. இதேபோல் அம்மாபேட்டை பகுதியில் கஞ்சா விற்று கொண்டிருந்த ராஜதுரை (37) என்பவரை அம்மாபேட்டை போலீசார் கைது செய்தனர். அவர்களிடம் இருந்து 7 கிலோ கஞ்சா பறிமுதல் செய்யப்பட்டது.
