மகளிர் டி20: இந்தியா-ஆஸ்திரேலியா அணிகள் இன்று மோதல்

சார்ஜா, 9-வது பெண்கள் 20 ஓவர் உலகக் கோப்பை கிரிக்கெட் போட்டி ஐக்கிய அரபு அமீரகத்தில் உள்ள துபாய் மற்றும் சார்ஜாவில் நடந்து வருகிறது. இன்று இரவு கடைசி லீக் ஆட்டத்தில் இந்திய அணி, 6 முறை சாம்பியனான ஆஸ்திரேலியாவை எதிர்கொள்கிறது. இந்த ஆட்டம் இந்திய அணிக்கு மிகவும் முக்கியமானது. அரைஇறுதி வாய்ப்பில் நீடிக்க இதில் கட்டாயம் வெற்றிப் பெற வேண்டும். இவ்விரு அணிகளும் 20 ஓவர் கிரிக்கெட்டில் இதுவரை 34 முறை நேருக்கு நேர் மோதியுள்ளன.