சேலம்: பனமரத்துப்பட்டியில் லாரி ஓட்டுநர் வெட்டிக் கொலை
சேலம் அருகே உள்ளது பனமரத்துப்பட்டி. இங்குள்ள தும்பல்பட்டியை சேர்ந்தவர் கனகராஜ் (வயது, 35) லாரி டிரைவர். இவருக்கு இரண்டு மகன்கள் உள்ளனர். இவர்களின் நவீன் (வயது 12) என்ற மகன் நாமக்கல் மாவட்டம் ஆயில் பட்டியில் உள்ள தனியார் பள்ளியில் ஏழாம் வகுப்பு படித்து வருகிறான். அதே பள்ளியில் எட்டிக்குட்டை மேட்டை சேர்ந்த சேர்ந்த முத்து என்பவரின் மகன் ஷஷ்மித் எல்கேஜி படித்து வருகிறான். இந்த சிறுவனை நவீன் தவறாக பேசியதாக கூறப்படுகிறது. இதுகுறித்து நேற்று முன்தினம் இரவு முத்துவின் உறவினர் வினோத் (வயது 27) மற்றும் சிலர் லாரி ஓட்டுனர் கனகராஜின் வீட்டுக்கு வந்து விளக்கம் கேட்டுள்ளனர். அப்போது ஏற்பட்ட தகராறில் முத்து மறைத்து வைத்திருந்த கத்தியால் கனகராஜை சரமாரியாக குத்தியதாக தெரிகிறது. இதில் காயமடைந்த கனகராஜை உறவினர்கள் சேலம் அரசு மருத்துவமனைக்கு சிகிச்சைக்கு அனுப்பினர். ஆனால் அவர் வழியிலேயே உயிரிழந்தார். இதுகுறித்து வழக்குப் பதிவு செய்த மல்லூர் போலீசார் முத்து மற்றும் சிலரை பிடித்து விசாரணை நடத்தி வருகின்றனர்.
