நெல்லிக்குப்பம் பகுதியில் நகைகள் திருட்டு
கடலூர் மாவட்டம் நெல்லிக்குப்பம் ரஹ்மான் நகரை சேர்ந்த சரத்பாபு இவர் 2 நாட்களுக்கு முன் வீட்டை பூட்டிக் கொண்டு குடும்பத்துடன் திருப்பதி சென்றார். அவரது வீட்டை அதே பகுதியை சேர்ந்த உறவினர் குமார் பாதுகாத்து வந்தார். குமார் வீட்டில் விளக்குகளை போட்டுவிட்டு பூட்டிக் கொண்டு தனது வீட்டுக்கு சென்றார். நேற்று விளக்குகளை நிறுத்தகுமார் சென்றபோது வீட்டின் பின்பக்க கதவு உடைந்து கிடந்ததை கண்டு அதிர்ச்சி அடைந்தார். பீரோ திறந்து கிடந்தது. அதில் வைத்திருந்த 5 சவரன் நகை, வெள்ளி பாத்திரங்கள், ரொக்கம் உட்பட ரூபாய் 3 லட்சம் மதிப்புள்ள பொருட்கள் திருடு போயிருந்தது. இது குறித்து நெல்லிக்குப்பம் காவல் துறையினர் வழக்கு பதிவு செய்து மர்ம நபர்களை தேடி வருகின்றனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.
