![கோவை பீளமேட்டில் திமுக நிர்வாகி மீது தாக்குதல் கோவை பீளமேட்டில் திமுக நிர்வாகி மீது தாக்குதல்](https://media.getlokalapp.com/cache/ea/4e/ea4e80d09fd2895bdeffda26176cc24a.webp)
கோவை பீளமேட்டில் திமுக நிர்வாகி மீது தாக்குதல்
கோவை அருகே உள்ள கணபதி பகுதியைச் சேர்ந்தவர் சுப்புராஜ் (66). இவர் கோவை மாநகர் மாவட்ட திமுக 3வது வார்டு வட்ட செயலாளராக உள்ளார். இவருக்கும் பக்கத்து வீட்டில் வசிக்கும் நிவாஸ் என்பவருக்கும் இட பிரச்னை இருந்து வந்தது. நேற்று சுப்புராஜ் அவரது சகோதரருடன் சென்று காளப்பட்டி பகுதியில் உள்ள நிலத்தின் வேலியை அகற்ற முயன்றார். அப்போது நிவாஸ் அவரிடம் சர்வேயரை அழைத்து வந்து அளந்து அதன் பிறகு நடவடிக்கை எடுக்க வேண்டும் என கூறியுள்ளார். அப்போது அவர்களுக்குள் வாக்குவாதம் ஏற்பட்டது. இதில் நிவாஸ். வட்டச் செயலாளர் சுப்புராஜை தாக்கினார். இதில் சுப்புராஜுக்கு மூக்கில் காயம் ஏற்பட்டது. அவர் கோவை அரசு மருத்துவமனைக்கு அழைத்து செல்லப்பட்டு சிகிச்சைக்கு சேர்க்கப்பட்டார். இது குறித்து சுப்புராஜ் அளித்த புகாரின் பேரில், நிவாஸ் மீது பீளமேடு போலீசார் வழக்குப்பதிவு செய்து விசாரணை செய்து வருகின்றனர்.