கோவை: பணியின் போது உயிர் நீத்த காவலர்களுக்கு அஞ்சலி
கோவை காவலர் பயிற்சி பள்ளி மைதானத்தில் பணியின் போது உயிரிழந்த கோவை மாவட்டத்தை சேர்ந்த காவலர்களின் நினைவாக நினைவுத்தூண் வைக்கப்பட்டுள்ளது. ஆண்டு தோறும் அக. 21ம் தேதி நினைவு தூணின் முன்பு உயிரிழந்த காவலர்களுக்கு அஞ்சலி செலுத்தப்படும். அதன்படி இன்றைய தினம் நினைவுத்தூன் முன்பு கோவை மாநகர காவல் ஆணையாளர் பாலகிருஷ்ணன் தலைமையில் காவல்துறை அதிகாரிகள் முன்னிலையில் துப்பாக்கி குண்டுகள் முழங்க அஞ்சலி செலுத்தப்பட்டது. இந்நிகழ்வில் காவல்துறை அதிகாரிகள் நினைவு தூணுக்கு மலர் வளையம் வைத்து அஞ்சலி செலுத்தினர். தொடர்ந்து மௌன அஞ்சலி செலுத்தப்பட்டது.
