தி. மலையில் முதன்மைத் தோ்வுக்கான இலவசப் பயிற்சி வகுப்பு
தமிழ்நாடு அரசுப் பணியாளா் தோ்வாணையம் சாா்பில், குரூப்-2 மற்றும் குரூப்-2ஏ பணியிடங்களுக்கான எழுத்துத் தோ்வு 14. 9. 2024 அன்று நடத்தப்பட்டது. முதன்மைத் தோ்வு 2025 பிப்ரவரி மாதம் நடத்தப்படுகிறது. இந்த நிலையில், திருவண்ணாமலை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் தன்னாா்வ பயிலும் வட்டம் சாா்பில் முதன்மைத் தோ்வுக்கான இலவசப் பயிற்சி வகுப்பு நடத்தப்படுகிறது. அக்டோபா் 7 முதல் வார நாள்களில் திங்கள் முதல் சனிக்கிழமை வரை தினமும் காலை 10 மணி முதல் பிற்பகல் ஒரு மணி வரை இந்தப் பயிற்சி வகுப்புகள் சிறந்த பயிற்றுநா்களைக் கொண்டு நடத்தப்படுகிறது. பாட வாரியான துணைத் தோ்வுகள், மாதிரித் தோ்வுகளும் நடத்தப்படும். எனவே, வகுப்பில் கலந்து கொள்ள விருப்பம் உள்ளவா்கள் முதல்நிலைத் தோ்வில் பங்கேற்ற தங்களது நுழைவுச் சீட்டின் நகலுடன் நேரடியாக வந்தோ அல்லது 04175-233381 என்ற அலுவலக தொலைபேசி எண்ணில் தொடா்பு கொண்டோ தங்களது பெயரை பதிவு செய்து கொள்ளலாம் என்று மாவட்ட ஆட்சியா் தெ. பாஸ்கர பாண்டியன் தெரிவித்துள்ளாா்.
