காவல் துறை வாகனம் சேதம் பிரியாணி கடைக்காரா் கைது
திருச்சி, திருவானைக்காவல் செக் போஸ்ட் சேர்ந்த ரெங்கன் என்பவரது மகன் விக்னேஷ் (வயது 25) இவர் அப்பகுதியில் தள்ளு வண்டியில் பிரியாணி கடை நடத்தி வருகிறார். அந்த பகுதியில் அரசு மதுபான கடை உள்ளதால் உணவருந்த வரும் வாடிக்கையாளர்கள் தங்கள் வாகனங்களை அங்கேயே நிறுத்துவதால் போக்குவரத்து நெரிசல் ஏற்படுவதாக கூறப்படுகிறது. இந்த நிலையில் ஸ்ரீரங்கம் போலீசார் அந்த கடையை திடீரென நேற்று அங்கிருந்து அப்புறப்படுத்தினர். இதனால் ஆத்திரமடைந்த விக்னேஷ் கஞ்சா போதையில் அங்கு நிறுத்தப்பட்டிருந்த போலீஸ் வாகனத்தை அடித்து நொறுக்கினார். அப்போது அங்கு பாதுகாப்பு பணியில் இருந்த போலீசார் அவரை தடுக்க முயன்றனர். ஆனாலும் ஆத்திரம் தீராத விக்னேஷ் கண்ணாடிகளை முழுவதுமாக அடித்து நொறுக்கி சேதப்படுத்தினர். இதனைத் தொடர்ந்து சம்பவ இடத்திற்கு வந்த போலீசார் விக்னேஷை கைது செய்து விசாரணை நடத்தி வருகின்றனர்.
