கார் மோதிய விபத்தில் பைக்கில் சென்ற இருவர் காயம்
துறையூர் அருகே உள்ள வைரிசெட்டிபாளையத்தைச் சேர்ந்தவர் கருப்பண்ணன். இவர் தனது நண்பரான பெருமாள் என்பவரை அழைத்துக் கொண்டு ஒரே இருசக்கர வாகனத்தில் ஆத்தூர் சாலையில் உள்ள சத்ய நாராயண சிட்டி அருகே சென்று கொண்டிருந்தார். அப்போது எதிரே வந்த மாருதி 800 கார் ஒன்று இவர்கள் மீது மோதி விபத்துக்குள்ளானதில் இரு சக்கர வாகனத்திலிருந்து கீழே விழுந்த இருவரும் காயமடைந்து துறையூரில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டனர். இந்த விபத்து சம்பவம் குறித்த புகாரின் பேரில் விபத்தை ஏற்படுத்திய கார் ஓட்டுனரான லால்குடி அருகே உள்ள மகிழம்பாடியைச் சேர்ந்த அரவிந்த் குமார் என்பவர் மீது வழக்குப் பதிந்து துறையூர் போலீசார் விசாரித்து வருகின்றனர்.
