கோதண்டராமர் ஆலயத்தில் புரட்டாசி மாத சிறப்பு வழிபாடு
காரைக்காலில் நேற்று(அக்.2) இரவு புரட்டாசி மாத மகாளய அமாவாசையை முன்னிட்டு புகழ் பெற்ற ஸ்ரீ கோதண்டராமர் ஆலயத்தில் கோதண்டராமர் மற்றும் பஞ்சமுக ஆஞ்சநேயருக்கு சிறப்பு அபிஷேகம் நடைபெற்றது. தொடர்ந்து ஆஞ்சநேயர் மற்றும் ராமர் பல வண்ண மலர்களால் அலங்கரிக்கப்பட்டு சிறப்பு திருக்கோலத்தில் பக்தர்களுக்கு அருள்பாலித்தனர். மூலவருக்கு சகஸ்ரநாம அர்ச்சனையும், மகா தீபாராதனையும் நடைபெற்றது. இதில் ஏராளமான பக்தர்கள் கலந்துகொண்டு வழிபட்டனர்.
