பாலக்கோடு: இரண்டு குழந்தைகளுடன் தாய் மாயம்
தர்மபுரி மாவட்டம், பாலக்கோடு சட்டமன்ற தொகுதிக்குட்பட்ட கணவாய்அள்ளி பகுதியைச் சேர்ந்தவர் வீராசாமி. இவரது மனைவி ரஞ்சனி இவர்களுக்கு 3 வயதில் பெண் குழந்தை உள்ளது. இந்நிலையில், கடந்த 3 மாதங்களுக்கு முன், 2வது பெண் குழந்தை பிறந்தது. கடந்த 4ம் தேதி மாலை ரஞ்சனி அப்பகுதியில் உள்ள தாய் வீட்டிற்கு சென்று வருவதாக 2 குழந்தைகளுடன் சென்றார். ஆனால், பின்னர் வீடு திரும்பவில்லை. பல இடங்களில் தேடியும் அவர்கள் கிடைக்காத நிலையில், இதுபற்றி பாலக்கோடு காவல் நிலையத்தில் வீராசாமி நேற்று (அக்டோபர் 06) புகார் அளித்தார். அதன் பேரில் காவலர்கள் வழக்குப்பதிவு செய்து, விசாரித்து வருகின்றனர்.
