மணப்பாறை அருகே அடையாளம் தெரியாத வாகனம் மோதி ஒருவர் பலி
மணப்பாறை அருகே உள்ள மலைத்தாம்பட்டி கிராமத்தைச் சேர்ந்தவர் மரிய ஆரோக்கியராஜ். சம்பவம் நடந்த நேற்று(அக்.9) மணப்பாறை அருகே உள்ள இடையபட்டியன்பட்டி பகுதியில் சாலையை கடந்து சென்றுள்ளார். அப்போது அடையாளம் தெரியாத வாகனம் மோதியதில் விபத்துக்குள்ளான மரிய ஆரோக்கியராஜ் சம்பவ இடத்திலேயே தலையில் காயமடைந்து உயிரிழந்தார். இச்சம்பவம் குறித்து அறிந்த மணப்பாறை போலீசார் அவரது உடலை மீட்டு மணப்பாறை அரசு மருத்துவமனைக்கு பிரேத பரிசோதனைக்காக அனுப்பி வைத்து விபத்தை ஏற்படுத்திய அடையாளம் தெரியாத வாகன ஓட்டி யார் என்பது குறித்து விசாரித்து வருகின்றனர்.
