விக்கிரவாண்டியில் தவெக மாநாடு பிரசார வாகனங்கள் தொடக்கம்
நடிகா் விஜய் தலைமையிலான தமிழக வெற்றிக் கழகத்தின் முதல் மாநாடு, விழுப்புரம் மாவட்டம், விக்கிரவாண்டி வட்டம், வி. சாலையில் அக். 27-ஆம்தேதி நடைபெறுகிறது. இந்த மாநாடு குறித்து பொதுமக்களிடையே விழிப்புணா்வு ஏற்படுத்தும் வகையில் தமிழகம் முழுவதும் எல்இடி வாகனப் பிரசாரம் மேற்கொள்ளப்படவுள்ளது. இந்த பிரசார வாகனங்களின் இயக்கத்தை கட்சியின் பொதுச்செயலா் புஸ்ஸி ஆனந்த் வி. சாலையில் உள்ள மாநாட்டுத் திடலில் ஞாயிற்றுக்கிழமை கொடியசைத்து தொடங்கி வைத்தாா். நிகழ்ச்சியில், கட்சியின் மாவட்டப் பொறுப்பாளா் பரணி பாலாஜி, மாவட்டத் தலைவா் குஷி மோகன், துணைத் தலைவா் வடிவேல், இளைஞரணித் தலைவா் விஜய் சுரேஷ், வழக்குரைஞா் அரவிந்தன், உளுந்துாா்பேட்டை இளைஞரணித் தலைவா் மோகன், விக்கிரவாண்டி ஒன்றியத் தலைவா் சேகா் உள்ளிட்டோா் கலந்துகொண்டனா்.
