விழுப்புரம்: சாலை விபத்தில் ஒருவர் உயிரிழப்பு
சென்னை அடுத்த பெரிய பள்ளிச்சேரி, ஆனந்த விநாயகர் நகரைச் சேர்ந்தவர் விஜய் ஆரோக்கியராஜ் (47) கூலித் தொழிலாளி. நேற்று முன்தினம்(செப்.21) காடை அடுத்துள்ள காணையிலிருந்து மாம்பழப்பட்டு சாலையில் நடந்து சென்ற போது, பின்னால் வந்த பைக் மோதி படுகாயமடைந்தார். இந்நிலையில் முண்டியம்பாக்கம் அரசு மருத்துவமனையில் சேர்க்கப்பட்டிருந்த அவர் நேற்று(செப்.22) சிகிச்சை பலனின்றி இறந்தார். இதுகுறித்து போலீசார் வழக்குப்பதிவு செய்து விசாரித்து வருகின்றனர்.
