விக்கிரவாண்டி: கழிவுநீர் தொட்டியில் விழுந்து குழந்தை உயிரிழப்பு

விக்கிரவாண்டியில் செயின்ட் மேரீஸ் என்ற தனியார் பள்ளியில் எல். கே. ஜி. படிக்கும் லியா லட்சுமி (4 வயது) என்ற குழந்தை, கழிவுநீர் தொட்டி அருகே விளையாடிக் கொண்டிருந்தபோது, தவறி உள்ளே விழுந்து உயிரிழந்தது. காலை 11 மணிக்கு குழந்தை உள்ளே விழுந்த நிலையில், பள்ளி விடும்போது மாலை 3 மணிக்குத்தான் குழந்தையை பள்ளி நிர்வாகத்தினர் தேடினர் என உறவினர்கள் குற்றம்சாட்டியுள்ளனர். மாவட்ட முதன்மை கல்வி அலுவலர் அன்பழகன் கூறுகையில், 'குழந்தை இறந்தது குறித்து விசாரணை மேற்கொண்டு நடவடிக்கை எடுக்கப்படும்' என்றார்.