சேலம்: திராவிட தமிழர் கட்சியினர் சாலை மறியல்; 35 பேர் கைது
சேலம் இரும்பாலை அருகே உள்ள பூசநாயக்கன்பட்டியில் போட்டோகிராபர் சதீஷ்குமார் உள்பட 3 பேர் தாக்கப்பட்டனர். இதில் கைதானவர்களை அனைவரையும் குண்டர் சட்டத்தில் கைது செய்யக்கோரி நேற்று திராவிட தமிழர் கட்சியினர் ஆர்ப்பாட்டம் நடத்துவதற்காக சேலம் கோட்டை பகுதிக்கு வந்தனர். அப்போது போலீசார் அவர்களிடம் ஆர்ப்பாட்டம் நடத்த அனுமதி பெறவில்லை என்று கூறினர். அங்கிருந்து வந்த அவர்கள் மாநகராட்சி அலுவலகம் முன்பு திடீரென சாலை மறியலில் ஈடுபட்டனர். அப்போது அவர்களில் சிலர் சாலையில் படுத்துக்கொண்டதால் பரபரப்பு ஏற்பட்டது. இதையடுத்து மறியலில் ஈடுபட்ட 5 பெண்கள் உள்பட 35 பேரை போலீசார் கைது செய்தனர்.
