கடலூர்: மயங்கி விழுந்தவர் உயிரிழப்பு
குறிஞ்சிப்பாடி வட்டத்தில் உள்ள வெங்கடாம்பேட்டையை சேர்ந்த ராமகிருஷ்ணன் மகன் மணிகண்டன் இவர் போர்வெல் லாரி ஒன்றில் கிளீனராக வேலை பார்த்து வந்த நிலையில் நேற்று முன்தினம் (ஜன.4) கடலூர் முதுநகர் அருகே உள்ள செம்மங்குப்பத்தில் போர்வெல் போடுவதற்காக மணிகண்டன் இரும்புராடை தூக்கி சென்ற போது திடீரென மயங்கி விழுந்தார். உடனே அவரை அங்கிருந்தவர்கள் மீட்டு சிகிச்சைக்காக கடலூர் அரசு மருத்துவமனைக்கு கொண்டு சென்ற நிலையில் அங்கு அவரை பரிசோதனை செய்த மருத்துவர்கள் ஏற்கனவே மணிகண்டன் உயிரிழந்து விட்டதாக தெரிவித்தனர். இது குறித்து கடலூர் முதுநகர் காவல் துறையினர் வழக்குப்பதிவு செய்து விசாரணை நடத்தி வருகின்றனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
