விருதுநகர்: 2026ல் எடப்பாடியார் ஆட்சி; முன்னாள் அமைச்சர்
விருதுநகர் மாவட்டம், ஸ்ரீவில்லிபுத்தூரில் வடக்கு, கிழக்கு ஒன்றியம் சார்பாக நேற்று இரவு நடைபெற்ற அதிமுக செயல்வீரர் கூட்டத்தில் கலந்து கொண்ட முன்னாள் அமைச்சர் கே. டி. ராஜேந்திரபாலாஜி பேசியதாவது: வருகின்ற 2026-ல் சட்டமன்றத் தேர்தலில் எடப்பாடி கோட்டைக்கு போகிறார். ஸ்டாலின் வீட்டுக்கு போகிறார், அதற்காக நாம் பக்குவமாக செயல்பட வேண்டும் என அறிவுறுத்திய அவர், மக்களை பாதிக்காத வகையில் ஆட்சி தந்தது அதிமுக, காலத்தை கடத்தும் ஆட்சி கொடுத்துக் கொண்டிருப்பது திமுக, திமுக ஆட்சிக்கு வர வேண்டுமென போராடி வாக்களித்த திமுகவினரே திமுக ஆட்சி எப்போது முடியும் என காத்திருப்பதாக தெரிவித்தார். விலைவாசி ராக்கெட் வேகத்தில் கூடி, மின் கட்டண உயர்வு ஷாக் அடிக்குது. தமிழகத்தில் யாரும் சுபிட்சமாக சுகமாக வாழ வில்லை, நாம் அனைவரும் மீண்டும் அதிமுக ஆட்சி அமைய சூளுரைத்து சபதம் ஏற்போம் என்றார். கூட்டத்தின் முடிவில் கட்சி நிர்வாகிகள் தொண்டர்கள் அனைவருக்கும் கமகமக்க ஆட்டுக்கறி விருந்து வழங்கப்பட்டது. மேலும் இக் கூட்டத்திற்கு வடக்கு, கிழக்கு ஒன்றிய கழக நிர்வாகிகள், தொண்டர்கள் கலந்து கொண்டனர்.
