5 பேருக்கு தலா ரூ.20 ஆயிரம் அபராதம்...!
விருதுநகர் மாவட்டம், ஸ்ரீவில்லிபுத்தூர் அருகே மேற்குத் தொடர்ச்சி மலை அடிவார பகுதியில் வனத்துறையினர் ரோந்து பணியில் ஈடுபட்டனர். அப்போது மம்சாபுரம் ஒற்றன்குளம் கண்மாய் பகுதியில் இருந்த 5 பேரை சோதனை செய்த போது, அவர்களிடம் காட்டுப்பன்றி இறைச்சி இருந்தது தெரிய வந்தது. இதுகுறித்து ஸ்ரீவில்லிபுத்தூர் வனத்துறையினர் வன உயிரின பாதுகாப்பு சட்டப்படி வழக்கு பதிவு செய்து மம்சாபுரத்தை சேர்ந்த சுந்தர்( வயது 29), பால்ராஜ்( வயது 56), ஆனந்தகுமார்( வயது 28), தர்மராஜ்( வயது 49), ராஜபாளையத்தைச் சேர்ந்த லட்சுமணன் (வயது 34) ஆகிய 5 பேரை கைது செய்தனர். மேலும் 5 பேருக்கும் தலா ரூ.20,000 வீதம் மொத்தம் ரூ.1 லட்சம் அபராதம் விதித்தனர்.
