ஸ்ரீவி: கஞ்சா விற்பனையில் ஈடுபட்ட இரண்டு பெண்கள் கைது...

ஸ்ரீவில்லிபுத்தூர் அருகே வீட்டில் கஞ்சா விற்பனை செய்த இரண்டு பெண்கள் கைது. ஒரு கிலோ, 100 கிராம் கஞ்சா பறிமுதல்.
விருதுநகர் மாவட்டம்,
ஸ்ரீவில்லிபுத்துார் அருகே வன்னியம்பட்டி பஞ்சாய்த்துக்கு உட்பட்ட வைத்திலிங்காபுரத்தில் வீட்டில் வைத்து கஞ்சா விற்பனை நடைபெறுவதாக வன்னியம்பட்டி காவல் நிலையத்திற்கு தகவல் வந்தன. மேற்படி தகவலின் பேரில் காவல் நிலைய சார்பு ஆய்வாளர் சுந்தரராஜ் தலைமையில் போலீஸார் சம்பவ இடத்திற்கு சென்று வீட்டில் சோதனை செய்தனர். சோதனையில் வீட்டில் மறைத்து வைக்கப்பட்டிருந்த ஒரு கிலோ 100 கிராம் கஞ்சாவை கைப்பற்றனர். மேலும் வீட்டில் வைத்து கஞ்சா விற்பனை செய்த ஜமீன்நத்தம்பட்டி பகுதியை சேர்ந்த முத்துமாரி மற்றும் வைத்திலிங்காபுரத்தை சேர்ந்த கருப்பாயி ஆகிய இருவர் மீது வன்னியம்பட்டி காவல் நிலையத்தில் வழக்கு பதிவு செய்து கைது செய்து தொடர் விசாரனை நடத்தி வருகின்றனர்.