ஸ்ரீவில்லிபுத்துார்: ஒரு ரூபாயிக்கு டீ கொடுத்தவிஜய் ரசிகர்கள்

ஸ்ரீவில்லிபுத்தூர் அருகே தமிழக வெற்றி கழகத்தின் முதல் மாநில மாநாட்டை முன்னிட்டு ஒரு ரூபாய்க்கு டீ விற்பனை. டீ கடையில் குவிந்த மக்கள்.
விருதுநகர் மாவட்டம், ஸ்ரீவில்லிபுத்தூர் அருகே வத்திராயிருப்பு முத்தாலம்மன் சாவடியில் உள்ள டீ கடையில் 1 ரூபாய்க்கு டீ விற்பனை செய்த விஜய் ரசிகர்கள்.
நடிகர் விஜய் துவங்கியுள்ள தமிழக வெற்றிக் கழக கட்சியின் மாநில மாநாடு வரும் 27ம் தேதி, விழுப்புரம் மாவட்டம், விக்கிரவாண்டி அடுத்த வி. சாலையில் நடக்கிறது. இதனையொட்டி விருதுநகர் மேற்கு மாவட்டம் இணைச் செயலாளர் கார்த்திக் தலைமையில் மாநாடு சிறப்பாக நடைபெற வேண்டி, வத்திராயிருப்பு முத்தாலம்மன் கோவில் அருகில் உள்ள டீக்கடையில் டீ பிரியர்களுக்கு டோக்கன் வழங்கப்பட்டு ஒரு நாள் சலுகையாக 1 ரூபாய்க்கு டீ விற்கப்பட்டதால் பொதுமக்கள் மற்றும் டீ பிரியர்கள் அதிக அளவில் டீ சாப்பிடுவதற்கு கடையில் குவிந்தனர். ஒரு ரூபாய்க்கு டீ விற்பனை செய்ததால் அப்பகுதியில் உள்ள பொதுமக்கள் மகிழ்ச்சியுடன் டீ அருந்தி சென்றனர். இது விஜய் ரசிகர்கள் மத்தியில் பெரும் மகிழ்ச்சி அளித்ததாக கூறுகின்றனர் விஜய் ரசிகர்கள்.