ஸ்ரீவி: சாலை விபத்து தந்தை, மகள் பலி....
ஶ்ரீவில்லிபுத்தூர் அருகே ஆட்டோ, பைக், சரக்கு வாகனம் மோதி விபத்து கல்லூரி மாணவி, தந்தை உயிரிழப்பு. விருதுநகர் மாவட்டம், ஶ்ரீவில்லிபுத்தூர்-சிவகாசி சாலையில் மல்லி மாயத்தேவன்பட்டி விலக்கு அருகே ஆட்டோ, பைக் மீது சரக்கு வாகனம் மோதி விபத்து. கல்லூரி மாணவி, தந்தையுடன் உயிரிழந்தார். காயமடைந்த கல்லூரி மாணவர் மருத்துவமனையில் அனுமதி. ஸ்ரீவில்லிபுத்தூர் சேர்ந்த செல்வம்(46). இவர், திருமணமாகி ஆட்டோ ஒட்டி வந்தார். இவர்களுக்கு சுமித்ரா, காவண்யாலட்சுமி 2 மகள்களும், சிவஹரிராஜா என்ற மகனும் உள்ளனர். சுமித்ரா சிவகாசி மகளிர் கல்லூரியில் விடுதியில் தங்கி முதலாம் ஆண்டு படித்து வந்தார். இன்று மாலை கல்லூரியில் விடுவதற்காக செல்வம் தனது ஆட்டோவில் அழைத்து சென்றார். அப்போது சிவகாசி சாலையில் சென்ற போது, சிவகாசியில் இருந்து ஶ்ரீவில்லிபுத்தூர் நோக்கி வந்த தனியார் சரக்கு வாகனம் மீது ஆட்டோ மோதி விபத்து ஏற்பட்டது. பின்னால் வந்த பைக் ஆட்டோ மீது மோதியது. இதில் ஆட்டோ ஒட்டி வந்த செல்வம், அவரது மகள் சுமித்ரா இருவரும் சம்பவ இடத்திலேயே உயிரிழந்தனர். பைக்கில் வந்த கார்த்திகைபட்டியை சேர்ந்த கல்லூரி மாணவர் பூபதிராஜா(19) படுகாயத்துடன் விருதுநகர் அரசு மருத்துவமனையில் அனுமதிக்கப்பட்டுள்ளார். விபத்து குறித்து சரக்கு வாகனத்தை ஓட்டி வந்த தென்காசி மாவட்டம் சேர்ந்த உதயமூர்த்தி என்பவர் மீது மல்லி போலீசார் வழக்கு பதிவு செய்து விசாரித்து வருகின்றனர்.
