ஸ்ரீவில்லிபுத்தூர் - Srivilliputhur

ராஜபாளையம் மேற்கு தொடர்ச்சி மலை அடிவாரத்தில் அமைந்துள்ள நகராட்சி குடிநீர் தேக்கம் பின்புறம் உள்ள வனசுத்தி காடு பகுதியில் சுமார் 50 ஏக்கர் பரப்பளவில் விவசாய நிலம் அமைந்துள்ளது. மாலையாபுரம் சேர்ந்த வனராஜ், லிங்கம், பொன்னுச்சாமி உள்ளிட்ட 20 விவசாயிகள் மா விவசாயம் செய்து வருகின்றனர். சில தினங்களாக வனப்பகுதியில் இருந்து வரும் காட்டுயானை கூட்டம் விளைந்த நிலையில் உள்ள மாமரங்களை தொடர்ந்து ஒடித்து சேதப்படுத்தி வருகிறது. இந்த வருடம் மாம்பழ விளைச்சல் சரி பாதி குறைந்திருக்கும் நிலையில் மீதமுள்ள மாங்காய்கள் யானைகளால் அழிந்து வருவதாக அங்குள்ள 400 க்கும் மேற்பட்ட மாமரங்களில் சுமார் 150 மரங்களின் பெரியகிளைகள், விளைந்திருந்த மாங்காய்கள் என பல மரங்களை முற்றிலுமாக காட்டு யானைகள் சேதப்படுத்தி உள்ளது. இதனால் தங்களுக்கு ரூ. 10 லட்சம்வரை இழப்பு ஏற்பட்டுள்ளதாக கூறும் விவசாயிகள் சில நாட்களில் பகல் நேரத்திலேயே யானைகள் தோப்புக்குள் புகுந்துவிடுகிறது. வனத்துறை அதிகாரிகளுக்கு தகவல் அளித்தால் அவர்கள் எந்த நடவடிக்கையும் எடுக்காமல் அலட்சியம் காட்டுவதாகவும் விவசாயிகள் குற்றம்சாட்டினர். யானைகளால் சேதப்படுத்தப்பட்ட மா மரங்களுக்கு உரிய இழப்பீடு வழங்கவும், வனவிலங்குகள் விவசாய நிலத்திற்குள் வருவதை தடுக்க அகழி வெட்டி பாதுகாக்க வனத்துறை மற்றும் தமிழக அரசு நடவடிக்கை எடுக்கவேண்டும் எனவும் விவசாயிகள் கேட்டுக் கொண்டுள்ளார்.