மடத்துக்குளம் அருகே குடிநீர் கேட்டு சாலை மறியல்
திருப்பூர் மாவட்டம், மடத்துக்குளம் அருகே ஜோத்தம்பட்டி ஊராட்சி ஆஸ்பத்திரி மேடு பகுதியில், முறையாக தண்ணீர் வழங்க கோரி அப்பகுதி பெண்கள் காலி குடங்களுடன் சாலை மறியல் போராட்டத்தில் ஈடுபட்டனர். சம்பவ இடத்திற்கு விரைந்து வந்த காவல்துறையினர் பொதுமக்களிடம் பேச்சுவார்த்தை நடத்தினர். ஊராட்சி செயலர் வைரமுத்து பொதுமக்களிடம் முறையாக தண்ணீர் வழங்கப்படும் என உறுதி அளித்ததன் பேரில் போராட்டம் கைவிடப்பட்டது.
