மது கடையில் தகராறு... வாலிபரை தாக்கிய 2 பேர் கைது
பல்லடம் அருகே உள்ள இந்திரா நகரை சேர்ந்தவர் கண்ணன் (வயது 35). இவர் சம்பவத்தன்று பல்லடம் செட்டிபாளையம் ரோட்டில் உள்ள சின்னிக்கவுண்டம்பாளையம் அரசு மதுபான கடையில் மது அருந்தச் சென்றபோது அங்கு ஏற்கனவே மது அருந்திக் கொண்டிருந்த இரண்டு பேருடன் வாய் தகராறு ஏற்பட்டது. இதில் ஆத்திரம் அடைந்த அவர்கள் கண்ணனை தாக்கினார். இதனால் காயமடைந்த அவர் பல்லடம் அரசு மருத்துவமனையில் அனுமதிக்கப்பட்டு சிகிச்சை பெற்றார். அவர் கொடுத்த புகாரின் பேரில் பல்லடம் காவல்துறை விசாரணை நடத்தி அவரை தாக்கிய பல்லடம் அருகே உள்ள லட்சுமி மில் பகுதியைச் சேர்ந்த ஐயப்பன் (25), சதீஷ் (22) ஆகிய இரண்டு பேரையும் கைது செய்து விசாரணை மேற்கொண்டுள்ளனர்.
