பல்லடம்: தங்கை வேறுஜாதி இளைஞர்மீது காதல்..அண்ணனே கொலை செய்தது அம்பலம்
பல்லடம் பருவாய் கிராமத்தை சேர்ந்த தண்டபாணி தங்கமணியின் மகள் வித்யா 22. கோவை அரசுகல்லூரியில் முதுகலை பட்டம் பயின்று வந்துள்ளார். திருப்பூர் விஜயாபுரத்தை சேர்ந்த வெண்மணி என்ற இளைஞர் அதே கல்லூரியில் வித்யாவுடன் படித்து வருகிறார். 3 வருடங்களாக இருவரும் காதலித்ததாக கூறப்படுகிறது. வெண்மணி வித்யாவின் வீட்டிற்கு பெண் கேட்டு வந்ததாகவும், பெண் கொடுக்க வித்யாவின் பெற்றோர்கள் மறுத்துள்ளதாக கூறப்படுகிறது. பெற்றோர்கள் கோவிலுக்கு சென்ற நிலையில் திரும்பி வந்து பார்த்தபோது வித்யாவின் மீது பீரோ விழுந்து தலையில் காயமடைந்து சடலமாக கிடந்ததுள்ளார். இது குறித்து காவல்துறைக்கு எந்த தகவலும் தெரிவிக்காமல் உடலை அருகில் இருந்த சுடுகாட்டில் அடக்கம் செய்துள்ளனர். மரணத்தில் மர்மம் உள்ளதாக அவரது காதலன் வெண்மணி காமநாயக்கன்பாளையம் காவல் நிலையத்தில் புகார் அளித்தார். முதற்கட்டமாக வித்யாவின் பெற்றோர் மற்றும் அவரது சகோதரரிடம் விசாரணை மேற்கொள்ளப்பட்டது. மருத்துவ குழுவினர் சுடுகாட்டில் புதைக்கப்பட்ட வித்யாவின் உடலை தோண்டி எடுத்து அங்கேயே உடற்கூறு ஆய்வை மேற்கொண்டனர். உடற்கூறு ஆய்வில் வித்யாவின் தலைப்பகுதியில் பலத்த காயம் ஏற்பட்டது தெரியவந்தது. தந்தை தாய், சகோதரன் சரவணனிடம் போலீசார் விசாரணை செய்ததில், வேறு ஜாதி இளைஞரை காதலித்ததால் தங்கையை இரும்பு கம்பியால் தலையில் தாக்கி கொன்றேன் என சகோதரர் வாக்குமூலம் அளித்துள்ளார்.
