சிவகங்கை: இந்திய கம்யூனிஸ்ட் கட்சி அலுவலகத்தில் புத்தக கண்காட்சி
சிவகங்கை சத்தியமூர்த்தி தெருவில் உள்ள இந்திய கம்யூனிஸ்ட் கட்சியின் மாவட்ட அலுவலகத்தில் புத்தக கண்காட்சி நடைபெறுகிறது. வருகிற 25-ஆம் தேதி வரை நடைபெறும் இந்தக் கண்காட்சியை தமிழ்நாடு விவசாய சங்க மாநிலத் தலைவரும், முன்னாள் சட்டப் பேரவை உறுப்பினருமான சுப. குணசேகரன் திறந்து வைத்து, முதல் விற்பனையைத் தொடங்கிவைத்தார். அவரிடமிருந்து புத்தகப் பிரதிகளை கட்சியின் மாநில செயற்குழு உறுப்பினரும் விருது நகர் முன்னாள் சட்டப்பேரவை உறுப்பினருமான ராமசாமி, சிவகங்கை அரசு மகளிர் கல்லூரி தமிழ்த் துறை இணைப் பேராசிரியை கூ. ராஜலட்சுமி ஆகியோர் பெற்றுக்கொண்டனர்.
