சிவகங்கை ஆட்சியர் முக்கிய தகவல்

மக்களை நாடி, மக்கள் குறைகளைக் கேட்டு, உடனுக்குடன் தீர்வு காண அரசு இயந்திரம் களத்திற்கே வரும் “உங்களைத் தேடி உங்கள் ஊரில்” என்ற திட்டத்தின்படி மாவட்ட ஆட்சியர் உள்ளிட்ட அனைத்து மாவட்ட அலுவலர்களும் வட்ட அளவில் தங்கி கள ஆய்வில் ஈடுபட்டு அரசு அலுவலகங்களை ஆய்வு செய்து மக்களின் குறைகளைக் கேட்டறிந்து, அரசின் அனைத்து நலத்திட்டங்களும் சேவைகளும் தங்கு தடையின்றி மக்களை சென்றடைவதை உறுதி செய்யும் பொருட்டு, திருப்புவனம் வட்டத்தில் வருகின்ற 20. 11. 2024 அன்று நடைபெறவிருந்த “உங்களைத் தேடி உங்கள் ஊரில்” திட்ட முகாமானது நிர்வாக காரணங்களினால் ஒத்தி வைக்கப்பட்டு, வருகின்ற 27. 11. 2024 அன்று உங்களைத் தேடி உங்கள் ஊரில் திட்ட முகாம் நடைபெறவுள்ளது.
மேலும், அன்றையதினம் திருப்புவனம் புதூரில் அமைந்துள்ள பி. கே மண்டபத்தில், மாலை 04. 30 மணி முதல் 06. 00 மணி வரை பொதுமக்கள் மற்றும் அனைத்து துறை அரசு அலுவலர்களுடன் கலந்தாய்வு கூட்டமும் மேற்கொள்ளப்பட்டு, அக்கூட்டத்தில் பொதுமக்களிடமிருந்து கோரிக்கை மனுக்களும் பெறப்படவுள்ளது.
எனவே, பொதுமக்கள் அக்கூட்டத்தில் கலந்து கொண்டு தங்களது கோரிக்கைகள் தொடர்பான மனுக்களை அளித்து பயன்பெறலாம் என மாவட்ட ஆட்சித்தலைவர் ஆஷா அஜித், தெரிவித்துள்ளார்.