சிவகங்கை: குடிநீர் இல்லாததால் கிராம மக்கள் பயங்கர தவிப்பு

சிவகங்கை மாவட்டம் சிங்கம்புணரி அருகே குடிநீர் குழாய் பழுதடைந்ததால் கிராம மக்கள் பயங்கர தவிப்பு. கிருங்காக்கோட்டை ஊராட்சிக்குட்பட்ட முட்டாகட்டியில் ஏராளமான குடியிருப்புகள் உள்ளன. அதில் குறிப்பிட்ட பகுதியில் சில ஆண்டுகளுக்கு முன்பு தண்ணீருக்காக அடிகுழாய் அமைத்துக் கொடுக்கப்பட்டது. இந்நிலையில் சில மாதங்களாக இக்குழாய் பழுதடைந்ததை தொடர்ந்து அப்பகுதி மக்கள் தண்ணீருக்காக அலைய வேண்டியுள்ளது. எனவே அடிகுழாய் இருந்த இடத்தில் தொட்டி அமைத்து தர அப்பகுதி மக்கள் வலியுறுத்தி உள்ளனர்.