குளச்சல்: விஷம் குடித்து தொழிலாளி தற்கொலை
குளச்சல் அருகே ஆறு விளை பகுதியை சேர்ந்தவர் மரிய அந்தோணி மகன் ஆல்வின் (29). அப்பகுதியில் ஒரு வெல்டிங் பட்டறையில் தொழிலாளியாக வேலை பார்த்து வந்தார். இவருக்கு இன்னும் திருமணம் ஆகவில்லை. நேற்று பகலில் இவர் ஏதோ விஷம் அருந்தி வீட்டில் மயங்கிய நிலையில் கிடந்தார். இதை பார்த்த உறவினர்கள் அவரை மீட்டு குளச்சலில் உள்ள ஒரு தனியார் மருத்துவமனையில் சிகிச்சைக்கு சேர்த்தனர். அங்கு அவருக்கு தீவிர சிகிட்சை அளிக்கப்பட்டது. சிறிது நேரத்தில் சிகிச்சை பலனின்றி ஆல்வின் உயிரிழந்தார். இது குறித்த அவர் தாயார் சந்திரமதி குளச்சல் போலீசில் புகார் செய்தார். போலீசார் வழக்கு பதிவு செய்து அவரது உடலை மீட்டு பிரேத பரிசோதனைக்காக குமரி அரசு மருத்துவ கல்லூரி மருத்துவமனைக்கு அனுப்பி வைத்தனர். தொடர்ந்து போலீசார் விசாரணை நடத்தி வருகின்றனர்.
