விருத்தாசலம்: ஓடும் பேருந்தில் நகை திருட்டு
கடலூர் மாவட்டம் விருத்தாசலம் அடுத்த பரவலூர்கிராமத்தை சேர்ந்த ராஜா இவரது மனைவி கீதா இவர் நேற்று கோனூரில் உள்ள தனது தாய் வீட்டிற்கு சென்றுவிட்டு மீண்டும் பரவலூர் செல்வதற்காக பேருந்தில் ஏறி விருத்தாசலம் கடைவீதியில் இறங்கினார். பின்னர் அங்கிருந்து பரவலூர் செல்லும் தனியார் பேருந்தில் ஏறி பயணித்தார். பின்னர் பரவலூர் வந்ததும் பஸ்சில் இருந்து இறங்கிய கீதா தான் வைத்திருந்த கைப்பையை சோதனை செய்தார். அப்போது அதில் வைத்திருந்த 2 பவுன் நகை, ரூபாய் 15 ஆயிரம் ரொக்கம் ஆகியவற்றை காணாததை கண்டு அதிர்ச்சி அடைந்தார். பேருந்தில் பயணித்த போது கூட்ட நெரிசலை பயன்படுத்தி யாரோ மர்மநபர் அவற்றை அபேஸ் செய்து சென்றது தெரிய வந்தது. இது குறித்து கீதா விருத்தாசலம் காவல் நிலையத்தில் நிலையத்தில் புகார் அளித்தார் அதன்பேரில் விருத்தாசலம் காவல் துறையினர் வழக்கு பதிவு செய்து மர்ம நபரை தேடி வருகின்றனர்.
