பொள்ளாச்சி: பண்ணை கொள்முதலில் இளநீர் விலை ரூ. 2 சரிவு
ஆனைமலை தாலுகா பகுதியில், இளநீர் பண்ணை விலை கடந்த வார விலையை விட, இரண்டு ரூபாய் குறைந்துள்ளது. ஆனைமலை இளநீர் உற்பத்தியாளர் சங்கத்தின், தலைமை ஒருங்கிணைப்பாளர் சீனிவாசன் இன்று கூறியிருப்பதாவது, இந்த வாரம், நல்ல தரமான வீரிய ஒட்டு ரக இளநீரின் விலை, கடந்த வார விலையை விட, இரண்டு ரூபாய் குறைந்து, 39 ரூபாய் என நிர்ணயம் செய்யப்படுகிறது. ஒரு டன் இளநீரின் விலை 15500 ரூபாய் என நிர்ணயம் செய்யப்பட்டுள்ளது. இந்த மாதம் இளநீர் வரத்து ஓரளவு உயர்ந்து வருகிறது. சிவப்பு இளநீரைப் பொறுத்தவரை, வரத்து மிகவும் குறைந்து காணப்படுகிறது. கடந்த வாரம், தமிழத்தின் வட மாவட்டங்கள், மற்றும் ஆந்திரா மாநிலத்தில் பெய்த மழை காரணமாக இளநீர் விலை குறைக்கப்பட்டுள்ளது. வடமாநிலங்களில் இளநீரின் தேவை குறையாமல் உள்ளது. தேவைக்கேற்ற வரத்து இல்லாததால், இளநீர் பற்றாக்குறை நிலவுகிறது என்று கூறியுள்ளார்.
