சிவகாசி: கஞ்சா விற்பனையில் ஈடுபட்ட இரண்டு பேர் கைது
விருதுநகர் மாவட்டம், சிவகாசி ஒன்றியத்துக்கு உட்பட்ட பகுதியான எரிச்சநத்தம், நடையனேரி ஆகிய கிராம பகுதிகளில் கஞ்சா விற்பனை அதிகமாக இருப்பதாக M. புதுப்பட்டி காவல் நிலையத்திற்கு தகவல் வந்தன. மேற்படி தகவல் அடிப்படையில் காவல் நிலைய சார்பு ஆய்வாளர் பழனிச்சாமி தலைமையில் போலீஸார் எரிச்சநத்தம், நடையனேரி ஆகிய பகுதிகளில் செயல்படும் பேருந்து நிறுத்தம், பள்ளி அருகே வாகன தணிக்கை செய்யும் போது, எரிச்சநத்தம் - நடையனேரி செல்லும் சாலையிலுள்ள பள்ளியின் முன்பாக இருவர் சந்தேகம் படி நின்று கொண்டிருந்தனர். மேலும் அவர்களை பிடித்து சோதனை செய்தனர். சோதனையில் பேண்ட் பையில் மறைத்து வைத்திருந்த 100 கிராம் கஞ்சா போதை பொருளை கைப்பற்றி, அவர்களிடம் நடத்திய விசாரணையில் சிவகாசியை சேர்ந்த ராஜபாண்டி மற்றும் கிருஷ்ணமூர்த்தி என்பது தெரிய வந்தன. பின்னர் அவர்கள் இருவரும் மீது M. புதுப்பட்டி காவல் நிலையத்தில் வழக்கு பதிவு செய்து கைது செய்து தொடர் விசாரணை நடத்தி வருகின்றனர்.
