சாத்துார்: கஞ்சா விற்பனை செய்த 2 இளைஞர்கள் கைது...
சாத்தூர் அருகே கஞ்சா விற்பனை செய்த 2 இளைஞர்கள் கைது. 100 கிராம் கஞ்சா பறிமுதல். விருதுநகர் மாவட்டம், சாத்தூர் அருகே உள்ள மேட்டுமலை பகுதியில் கஞ்சா விற்பனை நடைபெறுவதாக சாத்தூர் நகர் காவல் நிலையத்திற்கு தகவல் வந்தது. மேற்படி தகவலின் பேரில் சார்பு ஆய்வாளர் அருண்குமார் தலைமையில் போலீசார் சம்பவ இடத்திற்கு சென்று ஆய்வு நடத்தினர். இந்த ஆய்வில் மேட்டுமலை பகுதியைச் சேர்ந்த இளைஞர்கள் சிவசங்கர் (22) மற்றும் வெற்றிவேல் (20) ஆகிய இரண்டு பேரும் சேர்ந்து கஞ்சா விற்பனை செய்து வந்தது தெரியவந்தது. மேலும் அவர்களிடமிருந்து 100 கிராம் கஞ்சா மற்றும் ரொக்கப் பணத்தை பறிமுதல் செய்த போலீசார் அவர்கள் மீது வழக்குப் பதிவு செய்து கைது செய்து விசாரணை நடத்தி வருகின்றனர்.
