கொடிக்கம்பங்களை அகற்றும் பொழுது மின்சாரம் தாக்கி மூவர் காயம்

விருதுநகரில் முதல்வர் ஸ்டாலின் வரவேற்பு நிகழ்ச்சிக்காக ஆட்சியர் அலுவலகம் முன்பு வைக்கப்பட்டிருந்த கட்சி கொடிகளை அகற்றும் பணியில் ஈடுபட்ட மூவர் மின்சாரம் தாக்கி காயம்

விருதுநகரில் தமிழக முதல்வர் மு க ஸ்டாலின் கலந்து கொண்ட நிகழ்ச்சி நேற்று நடைபெற்றது. இந்த நிகழ்ச்சிக்காக வைக்கப்பட்டிருந்த திமுக கொடிக்கம்பங்களை அகற்றும் பணி நேற்று மாலை நடைபெற்றது அப்பொழுது எதிர்பாராத விதமாக கொடிக்கம்பங்களை அகற்றும் பொழுது மின்கம்பத்தில் உரசி விபத்து ஏற்பட்டது நாராயணசாமி சக்திவேல் நவீன் குமார் ஆகியோர் மின்சாரம் தாக்கி காயமடைந்தனர். இவர்கள் விருதுநகர் அரசு மருத்துவக் கல்லூரி மருத்துவமனை சிகிச்சை பெற்று வரும் நிலையில் சூலக்கரை காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்.