சாத்துார்: இளைஞரிடமிருந்து கஞ்சா பறிமுதல்
விருதுநகர் மாவட்டம், சாத்தூரிலுள்ள வெள்ளைக்காரர் ரோட்டில் அமைந்துள்ள நகராட்சி பூங்காவில் வைத்து கஞ்சா விற்பனை நடைபெறுவதாக சாத்தூர் நகர் காவல் நிலையத்திற்கு தகவல் வந்தது. மேற்படி தகவலின் பேரில் சார்பு ஆய்வாளர் கேசவன் தலைமையில் போலீசார் சம்பவ இடத்திற்கு சென்று ஆய்வு நடத்தினர். இந்த ஆய்வில் சிவகாசி விளாம்பட்டி பகுதியைச் சேர்ந்த பாலமுருகன் என்பவரின் மகன் 18 வயதுடைய இளைஞர் மணிகண்டன் என்பவர் கஞ்சா விற்பனை செய்து வந்தது தெரியவந்தது. மேலும் அவரிடமிருந்து 550 கிராம் கஞ்சாவை பறிமுதல் செய்த போலீசார் அவர் மீது வழக்கு பதிவு செய்து கைது செய்து விசாரணை நடத்தி வருகின்றனர்.
