மருத்துவருக்கு கொலை மிரட்டல் - வாலிபர் கைது!
ஆற்காடு ஏரி கீழ்தெருவை சேர்ந்தவர் சேது (வயது 35). இவர் கடந்த 5-ந் தேதி தனது தந்தையை ஆற்காடு அரசு மருத்துவமனைக்கு சிகிச்சைக்காக அழைத்து வந்துள்ளார். அப்போது மருத்துவமனையில் பணியில் இருந்தவர்கள் வெளிநோயாளிக்கான சீட்டு வாங்கி வருமாறு கூறியுள்ளனர். இதனால் ஆத்திரமடைந்த சேது தகராறில் ஈடுபட்டதாக கூறப்படுகிறது. அப்போது அங்கு பணியில் மருத்துவர் ரேகா (38) என்பவருடன் தகராறு செய்து ஆபாசமாக திட்டி கொலை மிரட்டல் விடுத்த தாக கூறப்படுகிறது. இது குறித்து மருத்துவர் ரேகா ஆற்காடு டவுன் போலீசில் புகார் செய்தார். அதன் பேரில் போலீசார் வழக்குப்பதிவு செய்து சேதுவை தேடிவந்தனர். இந்தநிலையில் ஆற்காடு பஜார் பகுதியில் சேது இருப்பதாக போலீசாருக்கு தகவல் கிடைத்தது. அதைத்தொடர்ந்து போலீசார் அங்கு சென்று சேதுவை கைது செய்து விசாரணை நடத்தி வருகின்றனர்.
