பாலாற்றில் கொட்டப்படும் குப்பைகளால் சுகாதார சீர்கேடு!

ராணிப்பேட்டை மேல்விஷாரம் நகராட்சியில் நாள்தோறும் சேகரிக்கப்படும் குப்பைகள் பாலாற்றில் கொட்டப்பட்டு வருகிறது. இது குறித்து பொதுமக்கள் மற்றும் சமூக ஆர்வலர்கள் பலமுறை நகராட்சி அதிகாரிகளிடம் புகார் அளித்தும் குப்பைகள் கொட்டப்படுவது நிறுத்தப்படவில்லை.



இலட்சக்கணக்கில் செலவு செய்யப்பட்டு மேல்விஷாரம் நகராட்சியில் குப்பை கிடங்குகள் கட்டப்பட்டுள்ள நிலையில், குப்பைகள் பாலாற்றில் கொட்டப்படுவதால் நிலத்தடி நீர்மட்டம் பாதிக்கப்படுவதாகவும் இதற்கு உடனடியாக நடவடிக்கை எடுக்க வேண்டும் என்றும் மேல்விஷாரம் பகுதி மக்கள் மற்றும் சமூக ஆர்வலர்கள் வலியுறுத்தியுள்ளனர்.