ஒரத்தநாடு: கோயிலில் நகை திருடிய வாலிபர் கைது
ஒரத்தநாடு தாலுகா பாப்பாநாடு அருகே திருமங்கலக்கோட்டை மேலையூர் ஸ்ரீ வீரமாகாளி கோயிலில் அம்மனுக்கு அணிவிக்கப்பட்டிருந்த 4 கிராம் செயின் மர்ம நபர்களால் திருடப்பட்டுள்ளது. இதுகுறித்து பாப்பாநாடு காவல்துறையினர் வழக்குப்பதிவு செய்து மர்ம நபர்களைத் தேடி வந்தனர். இந்நிலையில் ஒரத்தநாடு கூடுதல் காவல் கண்காணிப்பாளர் ஷஹ்னாஷ் மேற்பார்வையில் பாப்பாநாடு காவல் ஆய்வாளர் பார்த்திபன் தலைமையில் சிறப்பு காவல் உதவி ஆய்வாளர்கள் குமாரவேல், ராஜா, காவல் துறையினர் தர்மலிங்கம், ஜெகன், சின்னதுரை ஆகியோர் தனிப்படை அமைத்து குற்றவாளியைத் தேடிவந்தனர். தஞ்சை மனோஜிப்பட்டி சிவசக்தி நகரை சேர்ந்தவர் அய்யாவு மகன் திவாகர்(32) என்பவரை காவல்துறையினர் கைது செய்து அவரிடமிருந்து 9 கிராம் நகை மற்றும் பைக்கையும் போலீசார் பறிமுதல் செய்தனர். மேலும் அவருக்கு வேறு ஏதேனும் கொள்ளை சம்பவங்களில் தொடர்பு இருக்கிறதா என்ற வகையில் தீவிர விசாரணை மேற்கொண்டு வருகின்றனர்.
