சட்ட விரோதமாக மது விற்பனை; 9 பேர் கைது
சிவகங்கை மாவட்டத்தில் சிவகங்கை, காளையார்கோவில், மானாமதுரை, சிங்கம்புணரி, காரைக்குடி உள்ளிட்ட பகுதிகளில் நாள்தோறும் கள்ள சந்தையில் சட்ட விரோதமாக மது விற்பனை நடைபெறுவதாக காவல்துறையினருக்கு ரகசிய தகவல் கிடைத்தது. அதன் அடிப்படையில் காவல்துறையினர் அதிரடி சோதனை நடத்தினர், இதில் 642 மதுபாட்டில்,ஒரு சக்கர வாகனம், ரூ 8,700 பறிமுதல் செய்து பாலசுப்பிரமணியன் , தர்மராஜ் , நாகராஜன், லோகநாதன், மலைச்சாமி, ஜீவானந்தம், ஆனந்தம், ஜான் ஜாகப் , சாந்த்மோகன் ஆகிய 9 நபர்கள் மீது வழக்குபதிவு செய்து அவர்களை இன்று (அக்.,3) கைது செய்தனர். தொடர்ந்து அவர்களிடம் விசாரணை மேற்கொண்டு வருகின்றனர்.
