கோவை: கஞ்சா விற்ற எலக்ட்ரீசியன் உட்பட 4 பேர் கைது
கோவை வடவள்ளி போலீசார் நேற்று (செப்.,30) ரோந்து சென்றனர். அப்போது மருதமலை அடிவாரம் பேருந்து நிறுத்தம் அருகே சந்தேகம்படும்படி நின்றிருந்த இளைஞரை பிடித்து விசாரித்தனர். அதில், அவர் கஞ்சா விற்றது தெரியவந்தது. இதனையடுத்து போலீசார் கஞ்சா விற்ற கல்வீரம்பாளையம் விவேகானந்தர் தெருவை சேர்ந்த எலக்ட்ரீசியன் மணிகண்டன் (24) என்பவரை கைது செய்தனர். அவரிடம் இருந்து 100 கிராம் கஞ்சா பறிமுதல் செய்யப்பட்டது. இதேபோல், வடவள்ளி போலீசார் லிங்கனூர் ரோட்டில் சந்தேகத்தில் 3 பேரை பிடித்து விசாரித்தனர். அதில், அவர்கள் முன்னுக்கு பின் முரணாக பதில் அளித்தனர். சோதனை செய்தபோது 3 பேரும் கஞ்சாவை விற்பனைக்காக பதுக்கி வைத்திருந்தது தெரியவந்தது. இதனையடுத்து போலீசார் கஞ்சா விற்ற வடவள்ளி தென்றல் நகரை சேர்ந்த சபரிகிரி(27), தொண்டாமுத்தூரை சேர்ந்த முகமத் இஸ்மாயில்(24), வடவள்ளி காளிதாஸ் நகரை சேர்ந்த கோகுல்(27) ஆகிய 3 பேரை கைது செய்து 100 கிராம் கஞ்சாவை பறிமுதல் செய்தனர்.
