ஊத்தங்கரை அருகே லஞ்சம் வாங்கிய எஸ்.ஐ. கைது
கிருஷ்ணகிரி மாவட்டம் ஊத்தங்கரையை அடுத்துள்ள எம். வெள்ளாளப்பட்டி பகுதியை சேர்ந்தவர் அழகரசன் (36). இவர் மீது அதே பகுதியில் வசிக்கும் சண்முகம் என்பவர் கல்லாவி போலீசில் புகார் கொடுத்தார். இந்த புகார் மீது விசாரணை நடத்திய உதவி ஆய்வாளர் ரவி, என்பவர் புகார் மனு மீதான விசாரணை நடத்த அழகரசனிடம் ரூ. 2, 500 லஞ்சம் கேட்டுள்ளார். லஞ்சம் கொடுக்க விரும்பாத அழகரசன் இது பற்றி கிருஷ்ணகிரி லஞ்ச ஒழிப்பு போலீசாரிடம் புகார் கொடுத்தார். போலீசாரின் அறிவுரையின் பேரில் ரசாயனம் தடவிய ரூபாய் நோட்டுகளை நேற்று செப்-1ம் தேதி மாலை உதவி ஆய்வாளர் ரவியிடம் அழகரசன் கொடுத்தார். அப்போது மறைந்திருந்த லஞ்ச ஒழிப்புத் துறை டிஎஸ்பி கிருஷ்ணராஜ் தலைமையில், போலீசார் லஞ்சம் வாங்கிய உதவி ஆய்வாளா் ரவியை கையும் களவுமாக பிடித்து கைது செய்து விசாரணை நடத்தி வருகின்றனா்.
