அம்மனின் கழுத்தில் இருந்த நகை திருடியவருக்கு காப்பு
கிருஷ்ணகிரி மாவட்டம் கீரனப்பள்ளி பகுதியில் உள்ள மாரியம்மன் கோயிலில் அம்மன் கழுத்தில் இருந்த அரை பவுன் தாலியை வாலிபர் ஒருவர் நேற்று (செப்- 14)அதிகாலை திருடியுள்ளார். இதை அறிந்த அப்பகுதி மக்கள் வாலிபரை கையும் களவுமாக பிடித்து உத்தனப்பள்ளி போலீசில் ஒப்படைத்தனர். போலீசார் நடத்திய விசாரணையில் நகை திருடியவர் உத்தனப்பள்ளி அடுத்த தேவசானப்பள்ளி பகுதியை சேர்ந்த சீனிவாசன் (38) என்பது தெரிய வந்தது. மேலும் இவர் மீது இரு திருட்டு வழக்குகள் இருப்பது தெரியவந்தது. அவரை கைது செய்து அவரிடம் இருந்து போலீசார் அரை பவுன் தங்க தாலியை பறிமுதல் செய்தனர்.
